Veitingastaðir eiga erfitt með að uppfylla skilyrði um hundahald

Bið hundaeigenda eftir því að geta farið á kaffihús með hundana sína gæti dregist á langinn.

Margir hundaeigendur glöddust mjög yfir þeim fréttum að nú loksins gætu þeir farið með bestu vini sína á kaffihús, margir veitingastaðir glöddust með hundaeigendum og gáfu sitt leyfi fyrir því.

En nú virðist vera komið "babb í bátinn". Breytt reglugerð um hollustuhætti torveldar málið. Miðað við þá reglugerð sem er í gangi í dag þá lítur út fyrir að rekstaraðilar muni eiga erfitt með að mæta þeim kröfum sem þar eru gerðar.